Қонунчиликдаги янгиликлар

Funksiyani amalga oshirishning imkoni yo`q

АГРОСАНОАТ СОҲАСИДА ҚАТОР

ҲУЖЖАТЛАР ТЎПЛАМИ ТАСДИҚЛАНДИ

Вазирлар Маҳкамасининг 23.04.2025 йилдаги "Ўзбекистон Республикаси Қишлоқ хўжалиги вазирлиги ҳузуридаги Агросаноатни ривожлантириш агентлиги фаолиятини тартибга солувчи норматив-ҳуқуқий ҳужжатларни тасдиқлаш тўғрисида"ги 255-сон қарори қабул қилинди.

Ҳужжат билан Қишлоқ хўжалиги вазирлиги ҳузуридаги Агросаноатни ривожлантириш агентлиги тўғрисидаги низом тасдиқланди.

Қуйидагилар Агентликнинг асосий вазифалари этиб белгиланди:

• интенсив (маҳсулдор) мевачилик, узумчилик, иссиқхона хўжаликларининг барқарор ривожланишини таъминлаш ва экспорт салоҳиятини оширишга қаратилган мақсадли комплекс дастурларни амалга ошириш;

• замонавий ресурс тежовчи технологияларни, шу жумладан томчилатиб ва ёмғирлатиб суғориш тизимларини қўллаган ҳолда интенсив (маҳсулдор) боғлар ва иссиқхона хўжаликлари майдонларини кенгайтириш чораларини кўриш;

• соҳада илм-фан ютуқлари, илғор илмий ишланмалардан