Қонунчиликдаги янгиликлар

Функцияни амалга оширишнинг имкони йўқ

НОГИРОНЛИГИ БЎЛГАН ШАХСЛАРНИНГ БАНДЛИГИ

ОШАДИ

Ўзбекистон Президенти томонидан 08.05.2025 йилдаги "Ногиронлиги бўлган шахсларнинг бандлигини таъминлаш тизимини такомиллаштиришга оид қўшимча чора-тадбирлар тўғрисида"ги ПФ-85-сон Фармон имзоланди.

Ҳужжат "Камбағалликдан фаровонлик сари" дастурига мувофиқ қабул қилинган ва қуйидагиларга қаратилган:

• ногиронлиги бўлган шахсларнинг бандлигини таъминлашга кўмаклашган тадбиркорлик субъектлари учун молиявий рағбатлантириш тизимини яратиш;

• ногиронлиги бўлган шахсларнинг самарали фаолият кўрсатиши учун махсус хизматлар тизимини жорий этиш;

• ногиронлиги бўлган шахслар томонидан ишлаб чиқарилган товарларни бозорга чиқариш ва реализация қилишга кўмаклашиш;

• ногиронлиги бўлган ёшларни замонавий касбларга ўқитиш ва уларнинг меҳнат бозорига кириши учун қўшимча имкониятлар яратиш;

• 2025 йил охиригача 80 минг нафар ногиронлиги бўлган шахснинг барқарор бандлиги ва муносиб даромад топишини таъминлаш.

СОЛИҚ ИМТИЁЗЛАРИ ВА МОЛИЯВИЙ КЎМАК

Ҳужжат билан шундай тартиб ўрнатилдики, унга кўра тикув-трикотаж, пойабзал ва чарм-атторлик саноати йўналишларида ишлаб чиқариш фаолиятини юритаётган тадбиркорлик субъектлари учун назарда тутилган солиқ имтиёзлари Ижтимоий ҳимоя ягона реестри ёки Камбағал оилалар реестрига киритилмаган I ва II гуруҳ ногиронлиги бўлган шахслар ишга қабул қилинганда ҳам қўлланилади.

Шу билан бирга I ва II гуруҳ ногиронлиги бўлган шахсларни ишга қабул қилган ва уларга МҲТЭКМ миқдоридан кам бўлмаган миқдорда иш ҳақи тўлайдиган нодавлат юридик шахсларга ушбу шахслар учун ижтимоий солиқ ставкаси 1% миқдорида ҳисобланади, якка тартибдаги тадбиркорларга эса ижтимоий солиқ ҳисобланмайди.

2025 йил 1 июлдан бошлаб ногиронлиги бўлган шахсларга қонунчиликда белгиланган солиқ имтиёзлари уларнинг мурожаатисиз проактив шаклда қўлланилмоқда.

Шунингдек 2025 йил 1 июндан бошлаб I ва II гуруҳ ногиронлиги бўлган шахсларни ишга қабул қилган тадбиркорлик субъектларига 50 млн сўмгача субсидия ажратилиши белгиланди. Бунда:

• субсидия сурдотаржимон, психолог ва ҳамроҳлик хизматини ташкил қилиш харажатларини қоплаш учун ажратилади;

• жисмоний шахсларга ҳамроҳлик хизматини ўзини ўзи банд қилган шахс сифатида кўрсатишга рухсат берилади.

Бундан ташқари, Қорақалпоғистон Республикаси, Андижон, Қашқадарё, Наманган, Самарқанд, Сурхондарё ва Фарғона вилоятларида, 2026 йил 1 январдан бошлаб республиканинг қолган ҳудудларида I ва II гуруҳ ногиронлиги бўлган шахсларни ишга қабул қилган ёки ишга жойлашишига кўмаклашган тадбиркорлик субъектларига қуйидаги талабларга бир вақтда жавоб берадиган меҳнат шароитлари асосида 500 млн сўмгача субсидия ажратиш йўлга қўйилади:

• I ва II гуруҳ ногиронлиги бўлган шахсларни камида 3 ой давомида расмий иш билан банд қилиш;

• I ва II гуруҳ ногиронлиги бўлган шахсларга МҲЭКМнинг 2 бараваридан кам бўлмаган иш ҳақи