Божхона

Функция недоступна

Халқаро ҳамкорлик

ЎЗБЕКИСТОН-ГРУЗИЯ:

БОЖХОНА ҲАМКОРЛИГИ "УЙҚУ"

РЕЖИМИДАН "ФАОЛ" БОСҚИЧГА!

Сентябрь ойи охирларида Давлат божхона қўмитаси раиси Акмалхўжа Мавлонов бошчилигидаги делегация амалий ташриф билан Грузия Республикасида бўлди.

Божхона статистикасига кўра, ҳар икки мамлакат ўртасидаги ташқи савдо айланмаси мунтазам равишда ўсиб, 2022 йилнинг саккиз ойи давомида 127,4 млн долларни ташкил қилган. Бу кўрсаткич 2016 йилдагига нисбатан 45 фоизга ошган. Биргина шу йилнинг ўзида юртимизда Грузия капитали иштирокида 7 та корхона ташкил этилиб, умумий ҳисобда уларнинг сони 69 тага етди.

Грузиядан асосан фармацевтика маҳсулотлари ва минерал ичимлик сувлари импорт қилинаётган бўлса, мамлакатимиздан ушбу давлатга кўпроқ рангли металл ва озиқ-овқат маҳсулотлари экспорт қилинган. Бинобарин, мавжуд салоҳият ишга солинмаган имкониятлар ҳали кўплигидан далолат беради.

Сўнгги бор иккала мамлакат божхона хизмати ўртасида бундан 21 йил муқаддам ўзаро ҳужжат имзолангани инобатга олинса, ўзаро ҳамкорликни "уйқу" режимидан фаол босқичга ўтказишни даврнинг ўзи тақозо этмоқда.

Учрашувда Грузия Молия вазирлигининг Даромадлар хизмати раҳбари Леван Какава Ўзбекистонда божхона соҳасида амалга оширилаётган ислоҳотларга юқори баҳо берди.

Нега айнан Грузия?

ДБҚ раиси Грузия божхона назорати тартиботларини соддалаштириш ва рақамлаштиришда қисқа муддатда туб ўзгаришлар қила олгани билан алоҳида аҳамиятга эга мамлакат ҳисобланишини таъкидлади.

Шу жиҳатдан мазкур давлат